25 يناير..!!
يوم اجازة، صحيت متأخر و قاعدة في السرير بقالي ساعة. بيقولوا انه عيد الشرطة.. اه و بيقولوا كمان انه يوم الغضب!
من بداية اليوم و البيت كله حوالين الفضائيات و تويتر عشان يتابعوا اللي بيحصل و مين اتقبض عليه، ينما انا بداخلي احساس و سؤال، احساس بالعجز و التناقض، و سؤال "امتى هتبقى افكاري هي واقعي؟؟".. لا هي في الحقيقة أسئلة، أسئلة من نوعية هو انا فعلا عايزة اللي انا بقول اللي انا عايزاه؟ و الى متى هيفضل يطاردني احساس اني بهاود في اللي عايزة اعمله و اللي عايزة اكونوا...
الجزيرة: "مصر تشهد اكبر مظاهرات منذ السبعينات حتى الان"
